четверг, 15 марта 2018 г.

Юалӧмысь - сьӧм

Кыдзи и кольӧм во, 2018 воын "Коми войтыр" ӧтмунӧмса Сыктывкар представительство да Сыктывкарса коми культура шӧрин котыртӧны "Кӧні? Мый? Кор" конкурс. Ворсӧмӧ пырӧдчасны юркарса коми землячествояс да карса уджаланінъясысь котыръяс.



Ӧні чукӧртам юалӧмъяс ворсысьяслы. Эм кӧ мый юавны "тӧдысьяслысь", верманныд шыӧдчыны котыртысьяс дорӧ. Юалӧмсӧ колӧ дасьтыны коми кыв да литератураысь, фольклор да этнографияысь, коми йӧзлӧн историяысь да культураысь. Юалӧм дорӧ быть колӧ индыны вочакыв, ним, вич, овтӧ, адрес да телепон номернытӧ.

Вунӧді пасйыны, мый быд юалӧм кутас донъявсьыны шайтъясӧн. Командаяс кӧ оз кужны вочавидзны, сьӧмсӧ вичмӧдам юалӧм лӧсьӧдысьыслы.


Волӧй сідзжӧ и ворсны. Командаяс оз кӧ тӧдмавны вочакывсӧ, юалӧм вылӧ вермас вочавидзны кывзысь.

Ворсӧмъяс мунасны Сыктывкарса коми культура шӧринын рака тӧлысь 29-ӧд лунӧ да косму тӧлысь 5-ӧд да 12-ӧд лунъясӧ.

Юр-вемтӧ уджӧдігмоз видлӧй вочавидзны со татшӧм юалӧм вылӧ:

Ода-кора (май) 9-ӧд лунӧ Рочмуын (и мукӧдлаын) пасйӧны Айму вӧсна Ыджыд тышын Вермӧм лун. Комияс пӧвстын шуӧны, мый войнасӧ кусӧдӧма вежа (святӧй) морт.

Юалӧм: Кутшöм вежа морт йылысь мунӧ сёрниыс?

Вочакывтӧ позьӧ кольны тайӧ гижӧд улас.

Комментариев нет:

Отправить комментарий