Коми бать-мамъяс "Кыв поз" проектлӧн коймӧд практикум дырйи водзӧ юксисны асланыс мӧвпъясӧн сы йылысь, кыдзи позьӧ вуджӧдны да сӧвмӧдны коми кыв семьяын. Зэв нимкодь, мый бать-мам эз сӧмын кывзыны, а асьныс нин эксперталісны тайӧ нырвизяс.
Кыдзи и кольӧм во, 2018 воын "Коми войтыр" ӧтмунӧмса Сыктывкар представительство да Сыктывкарса коми культура шӧрин котыртӧны "Кӧні? Мый? Кор" конкурс. Ворсӧмӧ пырӧдчасны юркарса коми землячествояс да карса уджаланінъясысь котыръяс.