четверг, 19 октября 2017 г.

Коми кывбур лыддьысьяслӧн конкурс

Сыктывкарын нуӧдӧны коми кывбур лыддьысьяслысь республикаса конкурс. Сійӧ сиӧма нималана гижысь-юбиляръяслы, Коми республикаса куим нимйӧза гижысьлы - Геннадий Юшковлы (1932-2009), Владимир Тиминлы (1937-2015) да Василий Лодыгинлы (1947). Донъяла уджъяссӧ журиын кыдзи "Коми войтыр" ӧтмунӧмса секретар.




Конкурссӧ коймӧд во нин дасьтӧ да нуӧдӧ Коми республикаса велӧдӧм сӧвмӧдан институтысь этнокультурнӧй велӧдӧм сӧвмӧдан шӧрин (веськӧдлысьыс Татьяна Якубив). Вермасьӧны 5-11 класса велӧдчысьяс, колледжын да училишӧясын велӧдчысьяс.

Воторникӧ нуӧдісны конкурссӧ на костын, кодъяс оз вермыны локны Сыктывкарӧ. Татшӧмыс вӧлі кӧнкӧ 80 морт. Школаяс мӧдӧдӧмаӧсь видеороликъяс, а журитысьяс донъялісны кывбур висьталысьяссӧ. Торйӧн бӧрйисны вермысьяссӧ на пӧвстын, коді велӧдӧ коми кыдзи чужан кыв и на костын, коді велӧдӧ комисӧ кыдзи абу чужан кыв. Арлыд серти сідзжӧ юкӧма йӧзсӧ: 5-8 классаяс да 9-11 классаяс.


Сёрӧнджык юӧртасны вермысьяслысь нимъяссӧ.

А аски, йирым тӧлысь 20-ӧд лунӧ, Коми республикаса культура колледжӧ (Ленин ул., 73)
чукӧртчасны коми кывбур лыддьысьяс (очникъяс). Абу кӧ позянлун волыны, конкурссӧ позьӧ видзӧдны ӧтуввез пыр. 


Комментариев нет:

Отправить комментарий