четверг, 27 апреля 2017 г.

"Коми войтыр" ӧтмунӧмлӧн юӧр паськӧдӧм йылысь

Ме чайта, казялінныд, мый "КОМИ ВОЙТЫР" ӧтмунӧмлӧн важ сайтыс оз уджав. Сьӧкыдджык лои выльторъясӧн юксьыны, ас удж йылысь паськыдджыка юӧртны. Но дзик на неважӧн восьтӧма "Коми войтыр" ӧтмунӧмлысь выль сайт.




Медводдза юӧръяс пуктӧма нин. Вочасӧн содтам кар да районъяссянь воӧм материалъяс. И водзӧ вылӧ виччысям гижӧдъяс сы йылысь, мый вӧчӧны да мыйӧн олӧны "Коми войтыр" ӧтмунӧмлӧн представительствояс.

Некымын представительстволӧн Контакт ӧтуввезйын эм аслас лист бокъяс:

"Кӧрткерӧс", 
"Сосногорск", 
"Уква", 
"Вӧркута",
"Инта",
"Усинск",

Эм  коми том войтырлӧн "МИ" котыр да Уква карса "Томулов" котыръяс. 
На пиын медйӧзаӧн лыддьысьӧ "МИ - КОМИ ВОЙТЫР" котыр (1800 сайӧ морт), кӧні важӧн нин чукӧрмӧ став мукӧд юӧрыс.

Сыктывкарса землячествояслӧн Контактын зільӧны:
Кулӧмдінса землячество,
Кӧрткерӧс,
Луздор,
Изьва,

Та кындзи, восьтӧма да уджалӧны татшӧм ӧтуввез котыръяс:
"Коми википедия"
"Коми блогйысь".
"Сыктывкарса коми культура шӧрин"

Бӧръя кадас кыкысь паныдасьлім юӧр сетан политика серти. Чукӧртчӧм вылӧ волісны "Коми войтыр" ӧтмунӧмӧн веськӧдлысьяс, Сыктывкарын коми землячествоясын зільысьяс, коми том войтырлӧн "МИ" котырӧ пырысьяс да Сыктывкарса коми культура шӧринсаяс. Сёрнитчим сы йылысь, мый кутам зільджыка юӧртны ас удж йылысь Контакт ӧтуввезйын, кутам юксьыны ӧта-мӧдлӧн выльторъясӧн (вӧчны репостъяс). А медым кокниджык вӧлі корсьны выльторсӧ, шуим вӧдитчыны со татшӧм хештегъясӧн:
#Комивойтыр, #микоми, #коми, #кокуш (Коми культура шӧрин дженьыда), #МИ котыр.


Нимкодь лоӧ, коми йӧз да кыв йылысь юӧр паськӧдан уджӧ кӧ пырӧдчасны и мукӧдыс, кодлӧн Контактын да Фейсбукын эм торъя котыръяс (район, кар, сикт, школа и с.в.).

Комментариев нет:

Отправить комментарий