Чужан кыв вӧсна тӧждӧн

Коми кыв видзӧмын бать-мамлӧн пай йывсьыд бӧръя кадӧ бара кутім ёна сёрнитны. Буракӧ, йӧзыслы колӧ уна кад, медым гӧгӧрвоны, мый гортад кӧ кагаыдкӧд комиӧн он сёрнит, дзолюкыд оз нин велав чужан кыв дорад – кутас сійӧс ӧтдортны, кыдзи тӧдтӧм кыв. Сідзкӧ, медым бать-мам эз кывны асьсӧ мыжаӧн сыысь, мый чужан кыв кусӧ, налы колӧ зільджыка уджавны челядьыскӧд. Буретш та могысь и вӧлі котыртӧма Сыктывкарын коми семьяяс ӧтувтысь «Шуда котыр».

Кыдзи коми кага роч челядьӧс коми кывйӧ велӧдӧ

Некымын во сайын Ёгор пи вылӧ видзӧдӧмӧн дасьтывлі доклад сы йылысь, кыдзи дзик коми кага муніс карса роч челядь видзанінӧ, кыдзи гӧтыркӧд ӧтвылысь "тышкасим" сы вӧсна, медым эз рочмы и кыдзи та вылӧ видзӧдӧны мукӧдыс. Та серти сэсся петавліс туясян удж.

Коми кыв Кулӧмдінын: лоас оз?

"Коми войтыр" ӧтмунӧмлӧн Исполком шуӧм серти пекничаӧ ветлім Кулӧмдінӧ. Помкаыс вӧлі ыджыд - Кулӧмдінса школаын коми кыв кыдзи чужан кыв велӧдӧм.