Чолӧм, дзолюкъяс!

Тӧрыт Искусствояс гимназиялӧн концерт жырйын котыртлісны "Чолӧм, дзолюкъяс" республикаса гаж. Сиӧма школаӧдзса велӧдӧмын национальнӧй мытшӧдъяс венан лабораториялӧн 20 арӧс тырӧмлы.

Тайӧ котырнас веськӧдлӧ педагогика наукаясса кандидат Зоя Васильевна Остапова.

Жырйӧ чукӧрчӧмаяслы петкӧдчисны персонажъяс, кодъяс челядьлы тӧдсаӧсь "Чолӧм, дзолюк" телепередача серти: Кикуруллю петук да Ваткыль пон. Найӧ уна во чӧжӧн удитісны быд коми садикӧ волыны, челядьлысь гажсӧ снимайтыны да телевизор пыр петкӧдлыны.

Гажсӧ нуӧдісны КИКИРУЛЛЮ (ворсӧ Анна СОФРОНОВА - Драма театрысь ворсысь), ВАТКЫЛЬ (Вера ПИВКИНА - "Юрган" телеканалысь режиссёр) да ЗАРНИ АР (Елена Бутарина - Выльгортысь 8-ӧд №-а челядь видзанінысь шылад велӧдысь).

На дорӧ гӧститны волісны Сыктывкарса да Выльгортса челядь. Найӧ сьылісны, ворсісны да йӧктісны.

Ёгор пиӧй "Чӧскыд шыр" кывбур лыддис:

Гаж вылӧ воліс Искусствояс колледжысь "Коми сьылан" ансамбль.

Лабораторияын зільысьяс вӧчӧны ыджыд удж, медым дасьтыны велӧдчан небӧгъяс да уджтасъяс, код серти челядьӧс велӧдӧны коми кывйӧ. Сиам, медым налӧн уджыс оз кус, медым унджык йӧз кылісны асьнысӧ коми мортӧн!