Зэв шогмытӧм гожӧм таво. Кыдзи шуӧны: поводдя - дрань! Ӧтарӧ зэрис, ваыс эз шонавлы, купайтчыны эг и пырав ваас. Ытшкан видзьяс эз и косьмывлыны; шоръяс тувсовъя ытва дырйи моз бузгисны.
Колян во кӧ пелыся во вӧлі, таво ниӧти пелысь роз на эг аддзыв. Ставыс пӧ кынмалӧма дзоридзалігас на.
Этша мырпом, чӧд. Тшакыс уна. Сідзжӧ уна крыжовник, гӧрд да сьӧд сэтӧр.
Картупель, буракӧ, колян воысь бурджык лоас. Прокопей лунӧ тай медводдзаысь сёйим да чипан колькйысь ёна гырысь вӧлі картупельыс.
Жарыс эз вӧв да визя колорад жукыд эз дӧзмӧдчы. Ӧніӧдз тай некод эз на шулы, мый му вывсьыс гагсӧ аддзылӧма. Гаг чукӧртан уджысь кӧть нин мынім.
Зэра лунъяс костын пыр кыйӧдім турун пуктан кад. Ӧдва сюрис кост ытшкыны. Сэсся кад виччысим куртны да вайны. Муртса вайим кык телега тыр турун да ректім, и бара зэрмис. Мӧд лунас удитім джын турунсӧ чӧвтны, и бара зэрмис. Кык лун косьтысим зэръяс костъясын. Талун муртса удитім разӧдны кӧтасьӧм турунсӧ, косьтыштны да чӧвтны ӧбедӧдз - и бара лёкысь зэрис. Пыр жӧ Илля лунся йӧзкостса примета тӧд вылӧ уси: ӧбедӧдз пӧ гожӧм, сы бӧрти - ар.
Чӧвтім, турун пуктӧм помасис - позьӧ и чомӧрасьны.
Колян во кӧ пелыся во вӧлі, таво ниӧти пелысь роз на эг аддзыв. Ставыс пӧ кынмалӧма дзоридзалігас на.
Этша мырпом, чӧд. Тшакыс уна. Сідзжӧ уна крыжовник, гӧрд да сьӧд сэтӧр.
Картупель, буракӧ, колян воысь бурджык лоас. Прокопей лунӧ тай медводдзаысь сёйим да чипан колькйысь ёна гырысь вӧлі картупельыс.
Жарыс эз вӧв да визя колорад жукыд эз дӧзмӧдчы. Ӧніӧдз тай некод эз на шулы, мый му вывсьыс гагсӧ аддзылӧма. Гаг чукӧртан уджысь кӧть нин мынім.
Зэра лунъяс костын пыр кыйӧдім турун пуктан кад. Ӧдва сюрис кост ытшкыны. Сэсся кад виччысим куртны да вайны. Муртса вайим кык телега тыр турун да ректім, и бара зэрмис. Мӧд лунас удитім джын турунсӧ чӧвтны, и бара зэрмис. Кык лун косьтысим зэръяс костъясын. Талун муртса удитім разӧдны кӧтасьӧм турунсӧ, косьтыштны да чӧвтны ӧбедӧдз - и бара лёкысь зэрис. Пыр жӧ Илля лунся йӧзкостса примета тӧд вылӧ уси: ӧбедӧдз пӧ гожӧм, сы бӧрти - ар.
Чӧвтім, турун пуктӧм помасис - позьӧ и чомӧрасьны.
Ставӧн тадзи))
ОтветитьУдалитьАбу на тай ӧтнам гижысь-лыддьысьыс!
ОтветитьУдалить