Кыдзи и кык во сайын, бара ветлі библиовоясьны - пырӧдчи "Библиовой - 2015" ставроссияса акцияӧ, мый чуксалӧ йӧзӧс небӧг лыддьыны. Таво корисны менӧ Национальнӧй библиотекаӧ, вӧзйисны краеведение юкӧнын нуӧдны шегъясьӧм серти мастер-класс.
Вои сизим рытын. Уджалысьясыскӧд тӧдмасигмоз босьтчим ворсны - окота жӧ налы вӧлі аслыныс велӧдчыны.
А сэсся йӧзыс кутісны матыстчавны. Чуймӧмӧн медводз юаласны: тайӧ пӧ мый, кытысь? И тэрыба пызан сайӧ пуксялӧны. Медунаыс ӧтпырйӧ пызан сайын вӧлі дас морт - быдса семья: челядьыс, бать-мамыс да ыджыд мамыс.
Медічӧтъяслы шурганӧн шегъясьӧм петкӧдлі. Окотапырысь шурган бергӧдлісны, вермыны да медводдзаӧн лоны кӧсйисны.
Томулов да олӧмаяс нӧшта на азартнӧя шегъясисны. Эз чайтны, мый ворсӧмыс сэтшӧма кыскӧ мортсӧ. Челядясисны да майшасисны посни ныв-зонмысь на ёнджыка.
Унджыкыс некор эз кывлыны ни тӧдны шегъяссӧ. Сӧмын ӧти нывбаба ворслӧма Чилимдінын коркӧ. А снимок вылын нылыс - Кулӧмдін районса Пожӧгысь - и челядь дырйиыс ворслӧма, и ачыс Сыктывкарын Кулӧмдін землячествосянь мукӧдыслы петкӧдлӧма. Бура шегъясис да, ме сылы вӧзйи кыкӧн ворсны.
Кык пыдди куим час библиовояси. И кывйӧй гӧрддзасьліс, и кокӧй сулалӧмысла мудзис. Мукӧд жырсьыс йӧзыс важӧн нин разалӧмаӧсь, а шегъясян жырйын жуисны на. Окота эськӧ вӧлі кӧть син пӧлӧн видзӧдлыны, мый вӧчсьӧ мукӧдлаас, но нем эг аддзыв.
Библиотекаын уджалысьяслӧн кывъяс серти, йӧзыс зэв уна локтӧма. Кӧлуй ӧшланінын шуисны, мый ӧти вуг йылӧ нёль паськӧмӧдз пысавлӧмаӧсь. Сэсся кӧлуй сетігӧн весиг сорсьӧмъяс артмӧмны.
Вои сизим рытын. Уджалысьясыскӧд тӧдмасигмоз босьтчим ворсны - окота жӧ налы вӧлі аслыныс велӧдчыны.
А сэсся йӧзыс кутісны матыстчавны. Чуймӧмӧн медводз юаласны: тайӧ пӧ мый, кытысь? И тэрыба пызан сайӧ пуксялӧны. Медунаыс ӧтпырйӧ пызан сайын вӧлі дас морт - быдса семья: челядьыс, бать-мамыс да ыджыд мамыс.
Медічӧтъяслы шурганӧн шегъясьӧм петкӧдлі. Окотапырысь шурган бергӧдлісны, вермыны да медводдзаӧн лоны кӧсйисны.
Томулов да олӧмаяс нӧшта на азартнӧя шегъясисны. Эз чайтны, мый ворсӧмыс сэтшӧма кыскӧ мортсӧ. Челядясисны да майшасисны посни ныв-зонмысь на ёнджыка.
Унджыкыс некор эз кывлыны ни тӧдны шегъяссӧ. Сӧмын ӧти нывбаба ворслӧма Чилимдінын коркӧ. А снимок вылын нылыс - Кулӧмдін районса Пожӧгысь - и челядь дырйиыс ворслӧма, и ачыс Сыктывкарын Кулӧмдін землячествосянь мукӧдыслы петкӧдлӧма. Бура шегъясис да, ме сылы вӧзйи кыкӧн ворсны.
Кык пыдди куим час библиовояси. И кывйӧй гӧрддзасьліс, и кокӧй сулалӧмысла мудзис. Мукӧд жырсьыс йӧзыс важӧн нин разалӧмаӧсь, а шегъясян жырйын жуисны на. Окота эськӧ вӧлі кӧть син пӧлӧн видзӧдлыны, мый вӧчсьӧ мукӧдлаас, но нем эг аддзыв.
Библиотекаын уджалысьяслӧн кывъяс серти, йӧзыс зэв уна локтӧма. Кӧлуй ӧшланінын шуисны, мый ӧти вуг йылӧ нёль паськӧмӧдз пысавлӧмаӧсь. Сэсся кӧлуй сетігӧн весиг сорсьӧмъяс артмӧмны.
Комментариев нет:
Отправить комментарий