вторник, 21 апреля 2015 г.

Сӧлӧ баблы сиӧма

Быд во Сыктывкарбердса посёлокъясысь ӧтиын мунӧ коми коллективъясӧс ӧтувтан фестиваль. "Кужам сьывны, кужам и ворсны" ним улын сійӧ тӧдса некымын во нин. Котыртӧ Юркарса коми культура шӧрин да "Коми войтыр" ӧтмунӧмлӧн Сыктывкарса юкӧн.

Таво фестивальыс вӧлі Гӧрд Затонса "Волна" культура керкаын. Ветлі Ёгор пикӧд. Зэра поводдя вӧснаыс, гашкӧ, видзӧдысьыс вӧлі эз сэтшӧм уна. 




Фестивальсӧ вӧлі сиӧма Сӧлӧ баблы - челядьлы мойдъяс гижысь Соломония Васильевна Пылаевалӧн гижан уджлы. Колян во Сыктывкарса коми войтырлӧн конференция вӧзйис юркарса веськӧдланінлы нуӧдны Сӧлӧ баблы сиӧм мероприятиеяс, и нимкодь, мый тайӧ шуӧмыс олӧмӧ пӧртӧма.

Арлыд вылӧ видзӧдтӧг Сӧлӧ баб воліс жӧ, пукаліс самӧвар сайын.



Гажсӧ нуӧдісны кык "чой" (Юлия Королева да Анастасия Мишарина) - найӧ велӧдчӧны на, тӧдмасьӧны Сӧлӧ баблӧн гижан уджӧн.



Нималана гижысьлӧн олӧмӧн тӧдмӧдісны Максаковкаса школаысь коми кыв велӧдысьяс Елена Кряжевская да Анна Габова:



А сэсся петкӧдчисны коллективъяс: коді Сӧлӧ баблысь мойдъяс ворсіс, коді сьыліс, коді йӧктіс. Видзӧдам серпасъяс:
  





Шылада-драмаа театр петкӧдліс "Малань кань" мойд. Ӧти лист бока дженьыд мойдсӧ артистъяс ворсісны минут дас. Ме ӧтарӧ сералі. Ёна гора гигзис пиӧй - буракӧ, ворсӧмыс кажитчис жӧ сылы:



Комментариев нет:

Отправить комментарий