понедельник, 26 января 2015 г.

Мыйла рочӧн?

Унатор син улӧ усьӧ дыр мысти. Со и некымын лун сайын казялі "Коми му" газетысь кутшӧмсюрӧ вежсьӧмъяс. Ог на тӧд кыдзи найӧс шуны - бур ли лёк. "Кадыс петкӧдлас" - мӧвп дзеблалысьяс шуласны.
Медводз, вӧлӧмкӧ, "Коми му" газет аслыс босьтӧма нӧшта ӧти "гусяним". Сьӧд "Коми му" гижӧд улын лӧз визьын гижӧма-содтӧма еджыдӧн "ЗЕМЛЯ КОМИ". Тайӧ дивӧыс медводдзаысь газетас тыдовтчис вӧльгым тӧлысь 20-ӧд лунӧ.



Тайӧ висьӧмсӧ сэсся кӧвъяліс томуловлӧн газет, коді 2015 вося 1-дза номерсянь гижсьӧ со тадзи нин: "Йӧлӧга" ("Эхо"). Кутам чайтны, мый роч газетъяс выльпыртӧмсӧ бура донъяласны да оз нин кутны ас лист бокас вӧчны ӧшыбкаяс, гижасны, мый "как написали в "Земле Коми" / "Эхе", всё хорошо".

"Искорка" да "Оса" журналъясын нем эз вежсьы. Уна во чӧж нин кык нимаӧсь.


Мӧд-кӧ, "Коми му" ӧні позьӧ лыддьыны 12 арӧссянь. Мыйла эз позь 15 арӧсаяслы водзынджыксӧ лыддьыны, некӧн абу гӧгӧрвоӧдӧма. Гашкӧ, газет комиӧн лыддьысь томмӧ да? А гашкӧ, томулов гижисны элясян письмӧ челядьлысь право доръян уполномоченнӧйлы? Со и мунісны воча!? 


Виччысям нӧшта на выльторъяс!

Комментариев нет:

Отправить комментарий