вторник, 29 декабря 2015 г.

Небӧг гижим

Коркӧ Ёгор пиӧй юаліс менсьым, тӧдан пӧ кыдзи понмыд лоис? Дерт, ме кыськӧ-мыйкӧ кывлі, но эг кут стӧча шуны. А сэсся ачыс вочавидзис - кӧинысь пӧ. Тадзи чужис кӧин йылысь небӧг дасьтӧм мӧвп.


Шуда котыр

Сыктывкарын коми бать-мам «Шуда котырӧ» ӧтувтчисны. 


суббота, 12 декабря 2015 г.

Кӧрткерӧс конференция

Сідзи артмис, мый удиті ветлыны Кӧрткерӧс районса коми войтырлӧн конференция вылӧ. Рочӧн та йылысь гижышті нин, но мыйсюрӧ век на окота содтыны.



понедельник, 16 ноября 2015 г.

Кузь туй

Ёгор пилы садикас сетісны гортса удж - лӧсьӧдны дидактикаа ворсӧм. Отсӧг вылӧ педагогикаысь журналъяс вӧзйылісны, но сэтысь нем эг аддзы лӧсяланаторсӧ. Эг весиг кӧсйы нинӧм вӧчны, но кор аддзи, мый пиӧй мыйкӧ зільӧ, куті жӧ отсасьны.

Дум вылӧ уси гожӧмнас ыджыд мам дорас ворсӧм: кубик шыбитан да лыдпас серти колӧ воськовтны мӧд станцияӧдз. Ворсӧмыс вӧлі роч мойдъяскӧд йитчӧма, гӧгӧр мойдысь персонажъяс да сюжетъяс серпасалӧма. Мойвиас кӧ, аслад фишканад лыбан вывланьӧ (лэбач отсалӧ) либӧ усян увланьӧ (пӧсь ва пӧртйӧ, и с.в.).

Тайӧс тӧд вылын кутӧмӧн ворсӧмсӧ роч кывъя челядьлы дасьтім, кодъяс муртса на кужӧны артасьны да дженьыд кывъяс лыддьыны. Станцияяс вылын коми кыв гижӧма, а орччӧн - серпас. Колӧ кывсӧ лыддьыны, либӧ быд шыпас торйӧн шуны, да серпас вылӧ видзӧдӧмӧн тӧдмавны кывйыслысь вежӧртассӧ.

Уна рӧма серпасъяссӧ "Йӧлӧга" да "Прогород" газетъясысь вундалім. ("Би кинь" жалитыштім)  Зілим аддзыны сэтшӧм серпас, медым петкӧдланторсӧ позис шуны дженьыда (1 либӧ 2 слог), медым кывйын эз вӧвны "сьӧкыд" шыяс: "дж", "дз" да "тш" аффрикатаяс, "ӧ" да "і" шыпасъяс.


пятница, 13 ноября 2015 г.

Чолӧм, дзолюкъяс!

Тӧрыт Искусствояс гимназиялӧн концерт жырйын котыртлісны "Чолӧм, дзолюкъяс" республикаса гаж. Сиӧма школаӧдзса велӧдӧмын национальнӧй мытшӧдъяс венан лабораториялӧн 20 арӧс тырӧмлы.

понедельник, 9 ноября 2015 г.

Тӧрыт бӧрйысим

Вӧльгым тӧлысь 9-ӧд лунӧ «Коми войтыр» ӧтмунӧмлӧн Сыктывкарса представительстволысь медводдза заседанньӧ чукӧртлім.

понедельник, 28 сентября 2015 г.

Шензя пӧръясьӧмыслы

Унаысь кывла и лыддьывла коми кыв йылысь мифъяс. Кодлыкӧ чайсьӧ, мый эжваса комияс удорасаясӧс оз гӧгӧрвоны, а луздорсаяс - изьватасӧс, мый коми кывйыс зэв сьӧкыд, и с.в.

пятница, 14 августа 2015 г.

воскресенье, 2 августа 2015 г.

Поводдя - дрань!

Зэв шогмытӧм гожӧм таво. Кыдзи шуӧны: поводдя - дрань! Ӧтарӧ зэрис, ваыс эз шонавлы, купайтчыны эг и пырав ваас. Ытшкан видзьяс эз и косьмывлыны; шоръяс тувсовъя ытва дырйи моз бузгисны.

понедельник, 20 июля 2015 г.

Мырпом воті

Таво ӧтчыдысь на вӧрӧ ветлі мырпом вотны. Корси мырпомаинджык, медым снимайтны, эз сюр. Ӧтка сыв тусь фоткайті.



суббота, 11 июля 2015 г.

Сӧрӧны жӧ

Ӧтуввезйӧ гожӧмнас тшӧкыдджыка пыравлам поводдя видзӧдлыны - виччысям кос лунъяс турун пуктыны. Велалім нин эськӧ, мый быдсяма сайтыс пӧръясьлывлӧ, оз збыль поводдясӧ петкӧдлы. Но сэсся бӧр "веськӧдӧ" воддза юӧрсӧ. Шуам, лэчыд тӧвсӧ абу вӧлі гижӧма, но тӧвныр заводитчӧм бӧрын сэсся пасъяс жӧ, мый вывті тӧла вӧлі.

воскресенье, 5 июля 2015 г.

Баркемпса коми

Сыктывкарын мунӧ Баркемп - восьса енэж улын йӧзӧс велӧдан лагер. Лӧсьӧдӧмаӧсь куим кывъя индалысь пасъяс. Нимкодь таысь:


среда, 1 июля 2015 г.

РИНЦ-ын абу комиыс

Ми, наукаын уджалысьяс, гижам мукӧддырйи туялан уджъяс комиӧн. Найӧс позьӧ содтыны РИНЦ-ӧ (рочӧн: российский индекс научного цитирования) - тайӧ рочмуса база, кӧні эмӧсь монограпиаяс, научнӧй журналъяс, удж чукӧръяс.

понедельник, 4 мая 2015 г.

Кинофильм дасьтім

Айму вӧсна Ыджыд тышын Вермӧм лунсянь 70 вося тшупӧда пас матыстчӧ. Та кежлӧ лӧсьӧдім неыджыд кинофильм асланым рӧдвуж йылысь (гӧтыр да менам), кодъяс усисны, бӧр бергӧдчисны вир кисьтана война вылысь.

четверг, 30 апреля 2015 г.

Вӧлӧкӧвӧйын вежон

Коми фольклор чукöртöм могысь уналаö удитi волыны бöръя дас вит вонас. Вöлi миян республикалöн районъясын, Перым-Коми кытшын, Из сайын — Казымса изьватас ордын. Колян во мойвиис воöдчыны Вöлöкöвöйöдз — Яран асвеськöдлан кытшын войвывса ичöтик грездöдз.

Сэтчöдз ветлыны отсалiс Яран асвеськöдлан кытшса этнокультура шöрин. Сэнi уджалысь, коми юкöнöн веськöдлысь О.М. Коцюбанская ас кадö вöзйис ветлыны ылыс грездъясö, кöнi олöны изьваса комияс. Культура юкöнын зiльысьяслы колöны вöлi ас кытшын чукöртöм фольклор гижöдъяс, медым на вылö позис мыджсьыны гажъяс дасьтiгöн. Со и корисны менö отсöг вылö. Медым войвывса комияслысь олöм-вылöмсö паськыдджыка петкöдлыны Комиын, дум вöлi телеканалысь кодöскö чукöстны, но сьöмыс этша налöн да, эз кöсйысьны ветлынысö.

воскресенье, 26 апреля 2015 г.

Субӧтникасим

Пилы важӧн нин ичӧтик кӧрт зыр корсим. Сӧмын таво сюрис - гежӧд вузаланторйӧн вӧлӧма. Пыр жӧ и петалім субӧтникасьны. 


Библиовояси

Кыдзи и кык во сайын, бара ветлі библиовоясьны - пырӧдчи "Библиовой - 2015" ставроссияса акцияӧ, мый чуксалӧ йӧзӧс небӧг лыддьыны. Таво корисны менӧ Национальнӧй библиотекаӧ, вӧзйисны краеведение юкӧнын нуӧдны шегъясьӧм серти мастер-класс. 



Изьва керкаын

Тайӧ вежонас мӧдысь нуӧдім "Изьва фольклор" небӧг презентация. Медводдзаысь выль пӧжассӧ нимӧдім Сыктывкарса коми культура шӧринын косму тӧлысь 20-ӧд лунӧ. Сэки кӧ чукӧртлім унджык мортӧс, сёрнитім рочӧн, та пӧрйӧ юр сюянін аддзим "Изьва керкаысь": волісны изьватас, варовитім комиӧн. 

вторник, 21 апреля 2015 г.

Сӧлӧ баблы сиӧма

Быд во Сыктывкарбердса посёлокъясысь ӧтиын мунӧ коми коллективъясӧс ӧтувтан фестиваль. "Кужам сьывны, кужам и ворсны" ним улын сійӧ тӧдса некымын во нин. Котыртӧ Юркарса коми культура шӧрин да "Коми войтыр" ӧтмунӧмлӧн Сыктывкарса юкӧн.

Таво фестивальыс вӧлі Гӧрд Затонса "Волна" культура керкаын. Ветлі Ёгор пикӧд. Зэра поводдя вӧснаыс, гашкӧ, видзӧдысьыс вӧлі эз сэтшӧм уна. 




Небӧг нимӧдім

Войдӧрлун нимӧдім "Изьва фольклор" небӧг. Та йылысь гижи рочӧн. Гижи дженьыда, медшӧрсӧ. Презентация йылысь позьӧ лыддьыны менам мӧд блогысь; сэн жӧ унджык фото.



среда, 15 апреля 2015 г.

Выль небӧг

Важӧнкодь петіс, но неважӧн на Сыктывкарӧ воис выль небӧг. Фольклор ӧктӧд дасьті В.М. Кудряшовакӧд колян во, сійӧ вӧлі печатайтӧма колян во, а киӧ босьті медводдзаысь некымын лун сайын. Дыр виччысяна пӧжас! Небӧглӧн нимыс - "Фольклор ижемских коми в Ненецком автономном округе". Кызтаыс - 504 лист бок. Йӧзӧдӧма Яран асвеськӧдлан кытшысь Этнокультурнӧй шӧрин корӧм серти да налӧн сьӧм весьтӧ.



суббота, 14 марта 2015 г.

Чилимдінын диктантасисны

Кодлы кыдз, а менсьым сьӧлӧмӧс быттьӧ выйӧн мавтыштісны, кор тӧдмалі, мый "Ӧтувъя диктант" кӧсйӧны тшӧтш гижны Чилимдін районын. 

понедельник, 23 февраля 2015 г.

Выльыбын Йӧввыв

Шойччан лунъяс Висер вожын коллялі. Тані, Выльыбын, Йӧввывтӧ пасйисны жӧ. Ичӧтик грездсьыд быд коймӧд олысьыс воліс.




воскресенье, 22 февраля 2015 г.

Ӧтувъя диктант

Середаӧ Коми муын уна кар-сиктын, Питеркарын да Канкарын нуӧдісны коми кыв вылын "Ӧтувъя диктант". Ветлі жӧ гӧтыркӧд да пикӧд университетӧ, кӧні гижим диктантсӧ.



воскресенье, 15 февраля 2015 г.

Кыкысь лызьӧн

Лун костӧн ӧтпырйӧ кыкысь "ордйыси" лызьӧн. Войдӧрлун вӧлі Коми наука шӧринса уджалысьяс пӧвстын "Академиада-2015". Чукӧрмыліс сё сайӧ морт. Коймӧдысь нин котӧрті 5 км. Вермысьяс лыдын, дерт, ог ло - менам арлыдаяс пӧвстын конкуренциаыс вель ыджыд, и исласьӧны разрядникъяс. Воддза вояс серти, таво миян институтысь лызь вылӧ сувтісны унаӧн. Век на кӧ вӧлі куим морт, таво - 10. 



суббота, 14 февраля 2015 г.

ДЮ воис

Коркӧ сотовӧй телепонӧ ДЮ воис. Коді оз на тӧд: ДЮ - дженьыд юӧр, рочӧн кӧ - СМС. Ас кадӧ кывсӧ вӧзйылі сёрниӧ пыртны. Йӧвгень Йыпанов весиг кывкудйӧ пыртіс.

вторник, 3 февраля 2015 г.

IFUSCO Печын

Студент кадсянь тӧда IFUSCO йылысь. Коді эз на кывлы, водзвыв гижа: ударение колӧ пуктыны бӧръя слог вылас. Энӧ торкалӧй шуанногсӧ! 

понедельник, 26 января 2015 г.

Мыйла рочӧн?

Унатор син улӧ усьӧ дыр мысти. Со и некымын лун сайын казялі "Коми му" газетысь кутшӧмсюрӧ вежсьӧмъяс. Ог на тӧд кыдзи найӧс шуны - бур ли лёк. "Кадыс петкӧдлас" - мӧвп дзеблалысьяс шуласны.

четверг, 22 января 2015 г.