Коми блогйысьяс! Кысь аддзанныд кад, медым гижны? Ме воа гортӧ да ни мӧвпъяс юрын оз чужны, ни выльторъяс абуӧсь? Мыйсюрӧ йылысь гижны оз позь, кодкӧ йылысь да нем абусӧ - ог кӧсйы. Со и артмӧ, мый блогйӧй куш.
Но талун ветлі канму сӧветӧ таво вылӧ бӧръя сессия кывзыны. Вӧзйисны ветлыны, да кӧсйыси. Канму сӧвет век корлывлӧ общественнӧй котыръясӧ пырысьясӧс - важся традициа налӧн. Зільӧны ас уджнас тӧдмӧдны.
Тайӧ кыпыд чукӧртчӧм вылас костюмаси, важӧн нин сійӧс эг пасьтав. Чайті, ог тӧр. Ен сыкӧдӧн, тайӧ сӧмын полӧм вӧлӧма.
Канму сӧветлӧн уджыс сессия вылас гажтӧм. Орччӧн пукалысь тайӧ жӧ шуис. Кыдзи помасис медводдза юкӧныс, кӧні видлалісны оланпасъяс, джын залыс пыр жӧ ыльӧбтіс-петіс - быдсяма министр да вежысь, прокурор да сенатор, кар-районӧн веськӧдлысь. Колины бӧрйӧмаяс сӧмын.
Мӧд юкӧныс гажӧдыштіс. Микропонӧ лолавны лэдзисны мукӧд ютырлы (партиалы) - найӧ оз пырны парламентӧ. Гӧгӧрвоана, мый налӧн абу некутшӧм шанс веськавны Коми мулӧн канму сӧветӧ и локтан вося бӧрйысьӧмъясӧ. Тайӧ ичӧтик ютыръясас эм сӧмын веськӧдлысь, сэсся нем абу, весиг уджтасыс.
Став йӧзсьыс сьӧлӧм вылӧ эз во уна челядя батьлӧн сёрниыс. Сылӧн да менам овъясным ӧти кыввужъяӧсь - "рассоха" кывйысь. И со сійӧ шуӧ: тан пӧ чужи, ола, некытчӧ мунны ог кӧсйы. И ог жӧ пӧ кӧсйы, медым коми кывсӧ челядь велӧдісны, ковтӧм пӧ! Веськӧдлӧ мортыс "Родинаӧн". Бӧрйысигад тӧдӧй та йылысь!!!
Но талун ветлі канму сӧветӧ таво вылӧ бӧръя сессия кывзыны. Вӧзйисны ветлыны, да кӧсйыси. Канму сӧвет век корлывлӧ общественнӧй котыръясӧ пырысьясӧс - важся традициа налӧн. Зільӧны ас уджнас тӧдмӧдны.
Тайӧ кыпыд чукӧртчӧм вылас костюмаси, важӧн нин сійӧс эг пасьтав. Чайті, ог тӧр. Ен сыкӧдӧн, тайӧ сӧмын полӧм вӧлӧма.
Канму сӧветлӧн уджыс сессия вылас гажтӧм. Орччӧн пукалысь тайӧ жӧ шуис. Кыдзи помасис медводдза юкӧныс, кӧні видлалісны оланпасъяс, джын залыс пыр жӧ ыльӧбтіс-петіс - быдсяма министр да вежысь, прокурор да сенатор, кар-районӧн веськӧдлысь. Колины бӧрйӧмаяс сӧмын.
Мӧд юкӧныс гажӧдыштіс. Микропонӧ лолавны лэдзисны мукӧд ютырлы (партиалы) - найӧ оз пырны парламентӧ. Гӧгӧрвоана, мый налӧн абу некутшӧм шанс веськавны Коми мулӧн канму сӧветӧ и локтан вося бӧрйысьӧмъясӧ. Тайӧ ичӧтик ютыръясас эм сӧмын веськӧдлысь, сэсся нем абу, весиг уджтасыс.
Став йӧзсьыс сьӧлӧм вылӧ эз во уна челядя батьлӧн сёрниыс. Сылӧн да менам овъясным ӧти кыввужъяӧсь - "рассоха" кывйысь. И со сійӧ шуӧ: тан пӧ чужи, ола, некытчӧ мунны ог кӧсйы. И ог жӧ пӧ кӧсйы, медым коми кывсӧ челядь велӧдісны, ковтӧм пӧ! Веськӧдлӧ мортыс "Родинаӧн". Бӧрйысигад тӧдӧй та йылысь!!!
Комментариев нет:
Отправить комментарий