Виччысям коми уджъяс

Коми Республикаын юӧртӧма коми сочинениеяслысь конкурс. Сійӧс сиӧма коми гижысь, туялысь да велӧдысь Павел Григорьевич Доронинлӧн чужан лунсянь 110 во тырӧмлы.


Конкурс вылӧ позьӧ ыстыны уна сикас жанра сочинение коми кыв вылын.

Конкурсӧ вермасны пырӧдчыны школаса, гимназияса, лицейса, колледжса да техникумса велӧдчысьяс, медводдза курсса студентъяс.

Конкурс нуӧдсьӧ кӧч тӧлысь 1-ӧд лунсянь йирым тӧлысь 31-ӧд лунӧдз.
Уджъяссӧ кутасны донъявны вӧльгым тӧлысь 3-14 лунъясӧ, кывкӧртӧдъяссӧ вӧчасны вӧльгым тӧлысь 17-21 лунъясӧ.

Удж гижысьлы колӧ пасйыны: ов, ним, вич, класс да велӧдчанін, гортса адрес. Та кындзи колӧ индыны: уджӧн веськӧдлысьлысь ов, ним, вич, должносьт, телепон да э-пошта.

Уджъяссӧ донъялысьяс:
1. Этнокультура велӧдӧм сӧвмӧдан шӧринаса методистъяс: Лимерова В.А., Черных М.В., Грабежова В.М., Карманова А.Н., Остапова Е.В., Ельцова Е.В.
2. "Коми войтыр" ӧтмунӧмсаяс: Бутырева Г.В., Козлова Е.В., Рассыхаев А.Н.

Конкурс йылысь унджык позьӧ лыддьыны Велӧдӧм сӧвмӧдан институт сайтысь 

Конкурс котыртысьяс:
1. Коми Республикаса Йӧзӧс велӧдан министерство.
2. "Коми войтыр" ӧтмунӧм.
3. Велӧдӧм сӧвмӧдан Коми Республикаса институт.