Зарни ар

Уна лун нин нимкодяся зарни арӧн.

Котӧртім

Кыдзи и колян во, таво пырӧдчим жӧ ставроссияса "Кросс нации" котӧртӧмӧ. Луныс шондіа, оз зэр - челядь садйысь котӧртіс морт 25: тшӧтш и кык арӧсаяс батьясыслӧн пельпом вылас.

Виччысям коми уджъяс

Коми Республикаын юӧртӧма коми сочинениеяслысь конкурс. Сійӧс сиӧма коми гижысь, туялысь да велӧдысь Павел Григорьевич Доронинлӧн чужан лунсянь 110 во тырӧмлы.

Коми войтырлӧн чукӧртчӧмъяс

Коми муын таво, кыдзи и быд во, мунасны коми войтырлӧн конференцияяс. Найӧс нуӧдасны "Коми войтыр" ӧтмунӧмлӧн юкӧнъяс быд кар да районын. Чукӧртчӧмъяслӧн ӧтувъя сёрнитантор - сикт да сылӧн сӧвмӧм.

Кыдзи коми сёян видлалім

Талун поштаысь аддзи со татшӧм юӧр - корӧны "Таплиани" ректоранӧ видлыны коми сёян. Пыр жӧ и звӧниті, ӧд аски сэсся кадыс оз ло сэтчӧ ветлыны. Окота абу сёйны, а тӧдмавны, мыйӧн вермасны шензьӧдны менӧ.

Меным пыр жӧ эз во сьӧлӧм вылӧ гижӧдыс - "презентация блюд Коми края и Русского Севера". Позьӧ чайтны, мый дасьтысьӧны петкӧдлыны оз коми сёян, а Коми муын мукӧд олысьлысь - и чиганлысь, и армяналысь, и грузинлысь, и с.в.... Коднӧ нӧшта тані олӧ?

270 школа помалысь

Талун Коми войтыр ӧтмунӧмлӧн Исполком нуӧдіс ассьыс чукӧртчӧмсӧ, воліс морт комын. Пукалім Сыктывкарса канму университетлӧн кӧдзыд жырйын. Неуна кынмыштім, но сёрнитан ӧдыс эз лэдз изӧймитны.

Сӧмын ӧти пасйӧд. Сёрниӧ пырӧдчис велӧдчанінса ректор Марина Истиховская. Сійӧ пасйис, мый коми филологияӧ таво дас морт пыдди ӧдва аддзисны кӧкъямысӧс. Школа помалысьяс оз локны татчӧ.

Пелыся во

Ас костын сёрнитам, тыдовтчис: картупель гожӧмнас кынмалӧма, быдмӧма этша. Сэк жӧ - гӧрд розъясӧн гӧгӧр пелысь ӧшалӧ. Приметаяс серти кӧ - зэра ар лоас, кӧдзыд тӧв либӧ война. Лэбачьяслы тӧвйыны сёянтӧ Енмыд сетіс-а...

Бӧрйыси жӧ

Талун Комиын бӧрйысян лун. Ветлі жӧ. Бӧрйи аслым шондіаинысьджык медмича пӧв да юралысьпуяскӧд ӧтвыв фотографируйтчи.