воскресенье, 21 декабря 2014 г.

суббота, 20 декабря 2014 г.

Коми ру

Ветлі тӧрыт Кулӧмдін землячествоӧн дасьтӧм "Эжва йывлӧн Выль вося.RU - 2014" концерт вылӧ. Выль вося русӧ апыштны эз артмы: фоеын сулалысь козпу, экран вылын чачаяс да матыстчысь празьник йылысь гоз-мӧд кыв да чолӧмалӧм некыдзи талы эз отсавны.






четверг, 18 декабря 2014 г.

Канму сӧветын

Коми блогйысьяс! Кысь аддзанныд кад, медым гижны? Ме воа гортӧ да ни мӧвпъяс юрын оз чужны, ни выльторъяс абуӧсь? Мыйсюрӧ йылысь гижны оз позь, кодкӧ йылысь да нем абусӧ - ог кӧсйы. Со и артмӧ, мый блогйӧй куш.

среда, 10 декабря 2014 г.

Чом пуктім

Ёгор пиӧй ветлӧдлӧ Сыктывкарын роч садикӧ. Кагульничаясыс рочӧсь, но тӧдыштӧны коми кыв, пыдди пуктӧны коми культура. Кӧть став челядьыс роч (пи кындзи), кагульничаясыс быдсяма ногӧн тӧдмӧдӧны челядьсӧ коми кыв да культураӧн.

среда, 19 ноября 2014 г.

Гижи мӧвпъясӧс

Некымын лун сайын Сыктывкарын вӧлі сідз шусяна Science Slam. Тайӧ шоу дырйиыс университетса аспирант Александра Исакова висьталӧма когнитивнӧй лингвистика йылысь да туялан примеръяс пыдди вайӧдӧма коми фольклорысь сюжетъяс.

воскресенье, 16 ноября 2014 г.

суббота, 15 ноября 2014 г.

Эстапета босьті-сеті

Коми кыв велӧдӧмлы паныд мунысьяслы вочакыв пыдди чужис "Коми кыв ме радейта да тӧда" флешмоб. Водзмӧстчис Инесса Орёл. Могыс - висьтавны видео вылӧ кывбур (авторсӧ индӧмӧн) да йӧзӧдны ӧтуввезйын. 

Тӧрыт мен эстафетаыс вуджис Миннацын уджалысь Елена Косныревасянь. Пыр жӧ гижи дженьыдик сюжет, висьталі во дас вит сайын лӧсьӧдлӧм кывбур-сиӧм - Лида облы силі чужан лун кежлас:

пятница, 7 ноября 2014 г.

Пежалӧны кывнымӧс

Сьӧлӧмӧй пузьылас, кор кыдъя-рочӧн сёрнитӧны. Пельӧй гӧрддзасьлӧ. Дзик нин ог вермы телевизорысь коми передачаяс видзӧдны: мый он кывзы, сэні и пежалӧны коми кывнымӧс.

понедельник, 3 ноября 2014 г.

Выль сьыланкыв

Войдӧрлун тӧдсаӧй виччысьтӧг мӧдӧдіс меным выль коми сьыланкыв, кодӧс лӧсьӧдӧма кулӧмдінса зон: кывъясыс сылӧн и шыладыс.

вторник, 14 октября 2014 г.

Ӧльӧш - драматург

Уджъёртӧй ветліс искусствояс гимназиаӧ сёрнитны ӧнія кадся коми драматургиа йылысь. Локтіс да сэсся висьталӧ тешкодьтор.

суббота, 11 октября 2014 г.

Секретарала

Во да джын нин секретарала ... Буретш 2013 вося косму тӧлыссянь нин "Филологические исследования - 2014" конференция йылысь юӧрсӧ разӧда.


четверг, 9 октября 2014 г.

Талун журиті

Юркарса выль Райдаӧс талун бӧрйим карса конкурс дырйи. Сійӧн лоис Виктория Канева, Сыктывкарса коми культура шӧринын уджалысь. 

воскресенье, 5 октября 2014 г.

Зіяс

Нёль во сайын тулыснас зіяс поздйысьлісны медводз ноп улӧ, а сэсся - кухняын карнизӧ. Та йылысь ас блогын ме гижлі нин. 

суббота, 4 октября 2014 г.

Юркарса Райда

Локтан вежонӧ лоӧ Сыктывкарса коми нывъяс пӧвстын "РАЙДА" конкурс. Юркарын вермысь нывка кутас дорйыны Сыктывкарлысь нимсӧ республикаса "Райдаын".

воскресенье, 21 сентября 2014 г.

Котӧртім

Кыдзи и колян во, таво пырӧдчим жӧ ставроссияса "Кросс нации" котӧртӧмӧ. Луныс шондіа, оз зэр - челядь садйысь котӧртіс морт 25: тшӧтш и кык арӧсаяс батьясыслӧн пельпом вылас.


суббота, 20 сентября 2014 г.

Виччысям коми уджъяс

Коми Республикаын юӧртӧма коми сочинениеяслысь конкурс. Сійӧс сиӧма коми гижысь, туялысь да велӧдысь Павел Григорьевич Доронинлӧн чужан лунсянь 110 во тырӧмлы.

пятница, 19 сентября 2014 г.

Коми войтырлӧн чукӧртчӧмъяс

Коми муын таво, кыдзи и быд во, мунасны коми войтырлӧн конференцияяс. Найӧс нуӧдасны "Коми войтыр" ӧтмунӧмлӧн юкӧнъяс быд кар да районын. Чукӧртчӧмъяслӧн ӧтувъя сёрнитантор - сикт да сылӧн сӧвмӧм.

среда, 17 сентября 2014 г.

Кыдзи коми сёян видлалім

Талун поштаысь аддзи со татшӧм юӧр - корӧны "Таплиани" ректоранӧ видлыны коми сёян. Пыр жӧ и звӧниті, ӧд аски сэсся кадыс оз ло сэтчӧ ветлыны. Окота абу сёйны, а тӧдмавны, мыйӧн вермасны шензьӧдны менӧ.

Меным пыр жӧ эз во сьӧлӧм вылӧ гижӧдыс - "презентация блюд Коми края и Русского Севера". Позьӧ чайтны, мый дасьтысьӧны петкӧдлыны оз коми сёян, а Коми муын мукӧд олысьлысь - и чиганлысь, и армяналысь, и грузинлысь, и с.в.... Коднӧ нӧшта тані олӧ?

вторник, 16 сентября 2014 г.

270 школа помалысь


Талун Коми войтыр ӧтмунӧмлӧн Исполком нуӧдіс ассьыс чукӧртчӧмсӧ, воліс морт комын. Пукалім Сыктывкарса канму университетлӧн кӧдзыд жырйын. Неуна кынмыштім, но сёрнитан ӧдыс эз лэдз изӧймитны.

Сӧмын ӧти пасйӧд. Сёрниӧ пырӧдчис велӧдчанінса ректор Марина Истиховская. Сійӧ пасйис, мый коми филологияӧ таво дас морт пыдди ӧдва аддзисны кӧкъямысӧс. Школа помалысьяс оз локны татчӧ.

понедельник, 15 сентября 2014 г.

Пелыся во

Ас костын сёрнитам, тыдовтчис: картупель гожӧмнас кынмалӧма, быдмӧма этша. Сэк жӧ - гӧрд розъясӧн гӧгӧр пелысь ӧшалӧ. Приметаяс серти кӧ - зэра ар лоас, кӧдзыд тӧв либӧ война. Лэбачьяслы тӧвйыны сёянтӧ Енмыд сетіс-а...

воскресенье, 14 сентября 2014 г.

Бӧрйыси жӧ

Талун Комиын бӧрйысян лун. Ветлі жӧ. Бӧрйи аслым шондіаинысьджык медмича пӧв да юралысьпуяскӧд ӧтвыв фотографируйтчи.