среда, 27 декабря 2017 г.

воскресенье, 17 декабря 2017 г.

Пожӧмакарын саа лым

Уна во мысти бара ветлі Пожӧмакарӧ коми войтырлӧн конференция вылӧ. Некымын лунӧдз водз са вӧчан завод шыбитӧма сынӧдӧ са - лымйыс пемдӧма. Пыран кӧ керкаӧ, джоджас кольӧны сьӧд визьяс. Тайӧс, гашкӧ, дзик пыр эг и казяв, эз кӧ та йылысь висьтавны йӧзыс. Чуймышті, мый конференция дырйи саӧн сынӧд тшыкӧдӧм йылысь чӧв олісны!


воскресенье, 10 декабря 2017 г.

Шуда котыр, Кыв поз, Дзолюк да Нуныкай

Шойччан лунӧ Сыктывкарын чукӧртлім кыккывъялун серти велӧдчӧм, кытчӧ воліс Удмуртияса Ижкарысь Татьяна Волкова, коді веськӧдлӧ "Билингва" шӧрин проектӧн да зільӧ "Нуныкай" удмурт велӧдан шӧринын. Буретш тайӧ шӧринъясыс водзмӧстчӧны, медым Ижкарын ӧтувтны чужан кывйӧн сёрнитны кӧсйысь бать-мамӧс да налысь челядьсӧ. Татшӧм жӧ удж нуӧдсьӧ Сыктывкарын "ШУДА КОТЫР" клубӧн. Ӧкмӧм опытӧн юксьӧм могысь и котыртӧма вӧлі тайӧ семинарыс.



воскресенье, 26 ноября 2017 г.

Сыктывкар локтан во кежлӧ дась

Дзик на неважӧн Сыктывкарын юргис кывбур висьталысьяслӧн республикаса конкурс, мый вӧлі сиӧма Коми республикаса куим нимйӧза гижысьлы - Геннадий Юшковлы, Владимир Тиминлы да Василий Лодыгинлы. И сэки жӧ вӧлі вӧзйӧма, медым локтан вося конкурссӧ вӧлі сиӧма кык юбилярлы - Нёбдінса Витторлы, кодлы 2018 воын тырӧ 130 во, да Коми республикаса нимйӧза гижысь Альберт Ванеевлы, кодлы тырӧ 85 во чужӧмсяньыс.

воскресенье, 22 октября 2017 г.

Лыддьысьяслӧн конкурс бӧрын мӧвпъяс

Дзик на неважӧн помасис кывбур лыддьысьяслӧн III республикаса конкурс - зэв ыджыд да кыпыд гаж коми кыв велӧдысьяслы да велӧдчысьяслы.


Сійӧ вӧлі сиӧма Коми Республикаса куим нимйӧза гижысьлы - Геннадий Юшковлы, Владимир Тиминлы да Василий Лодыгинлы.

конкурс донъялысьяс

четверг, 19 октября 2017 г.

Коми кывбур лыддьысьяслӧн конкурс

Сыктывкарын нуӧдӧны коми кывбур лыддьысьяслысь республикаса конкурс. Сійӧ сиӧма нималана гижысь-юбиляръяслы, Коми республикаса куим нимйӧза гижысьлы - Геннадий Юшковлы (1932-2009), Владимир Тиминлы (1937-2015) да Василий Лодыгинлы (1947). Донъяла уджъяссӧ журиын кыдзи "Коми войтыр" ӧтмунӧмса секретар.